Kominn tími á hörkuna...
Fyrsta helgin búin í nammibindindinu mínu, verð satt að segja að þetta er alveg ágætlega erfitt
Langar svoooo í nammi
en samt ekki, finn að það var satt sem ég hélt... nammi gerir mig dapra
Hehh I know getur ekki passað, en jú hef nefnilega tekið eftir því að alltaf eftir nammidag þá er ég e-ð svo döpur,
núna ekkert nammi og enginn dapurleiki

Letidagur dauðans samt í dag, nennti ekki neinu eftir þessa helgi, stefni á massa viku samt í lærdóm og næstu helgi líka
Ekkert nammi, harka í skólanum og rólegheit framundan

fyrir utan náttla fráááábæra afmælið hjá stelpunum mínu
verður svooo gaman
Rólega tekið á því samt þar sem stutt er í prófin
frekar að ná prófunum og djamma almennilega með stelpunum mínum eftir þau ehaggi
Afmælið hjá mömmu gekk frábærlega, þvílíkt gaman ohhh hún var svo ánægð
Þær kellingarnar dönsuðu til að verða þrjú í brjáluðu stuði, þannig að já það er hægt að segja að partýið hafi tekist mjög vel upp
Annars farin að hanga aðeins meira, svona til að undirbúa mann fyrir vikuna

Love

Jesús
Hvernig á maður að fara að því að lifa...
Langar mjög að kaupa mér íbúð EN það er ekki hægt þar sem íbúðarverð er búið að hækka upp úr öllu veldi!!! Og ekki er hægt að taka lán fyrir henni þar sem vextir eru orðnir óraunhæfir og ekki manni hvað þá námsmanni bjóðandi
Spurning algjörlega að fara leigja...
Hefur alltaf fundist að leigja sé vitleysa, það er bara ef manneskjan getur búið heima hjá sér, til hvers þá að leigja, ætla hér með að éta þau orð ofan í mig
Kannski erum við íslendingar bara að verða eins og margar aðrar þjóðir þar sem enginn kaupir og leigja bara allir...?
Ég veit það ekki, en ef mig langar að flytja frá mömmu og pabba er eina leiðin í dag að leigja
Ef ég fer að leigja, hvernig á ég þá að lifa???
Bensín er orðið fáránlega dýrt, tala þá ekki um að búa í hfj og vinna og vera í skóla í rvk, GLÆPUR
Mjólk, MJÓLK er að hækka og kostar 1 l af nýmjólk 100kr
Ekki bara mjólkin og bensínið heldur virðist allt vera hækkandi með hverri mínútunni...
Ekki eru launin mín að hækka í samræmi við þetta
Eða þá námslánin

Kannski er manni bara ætlað að vera eins og gaurinn við hliðina á mér í stekkjarhvamminum
býr ennþá heima hjá um fertugt

*grát grát*

Lilja
með veruleikabilun

Hún á afmæli í dag

Hún á afmæli í dag

Hún á afmæli hún mamma mín

Hún á afmæli í dag

Jáhá hún bestasta mamma mín á stórafmæli í dag

50 ára

Innilega til hamingju með það

Elska þig

Þín dóttir Lilja

Jæja
Ég ætla "reyna" hætta vera aumingi
já get ekki beint ætlast til að það takist í fyrstu tilraun
en ætla sko þokkalega að reyna hætta
Hætta væla út af því hvað er leiðinlegt í skólanum
Hætta væla yfir metnaðarleysi
Hætta væla yfir því að vera ein
Hætta væla yfir súkkulaði áti

Og kannski bara reyna gera e-ð í þessu....

Kannski skólinn verði ekki skemmtilegur og alls ekki fögin sem ég er í
en það er nú hægt að breyta hugarfarinu og kannski ekki ætlast til að þetta sé skemmtilegt heldur meir reyna stefna á betri einkunnir og koma þessum fræga metnaði sem ég er nú svo þekkt fyrir aftur í gang...

Get ekki gert kraftaverk á þessari önn, þar sem lærdómurinn og áhuginn er bara ALLS ekki búinn að vera til staðar og því ekki mikill lærdómur búinn að fylgja að

Stefni alla vega á að ná sæmilegum árangri og kannski/vonandi ná á annað ár

Svo er líka stefnan að fara út í nám vonandi fyrir næstu önn og klára námið úti
það kemur samt ekki í ljós strax, ætla tala við námsráðgjafa og e-ð fólk og biðja um hjálp og svona við þetta... þannig að kannski/vonandi á næstu önn innan árs verð ég einhversstaðar allt annarsstaðar að læra, kannski svíðþjóð, london eða bara e-ð nema þá danmörk langar ekkert þangað
Vonandi kostar það samt ekki 50 milljónir

Wish me luck með þetta Pollýönnu dæmi, god knows mér veitir ekki af

Súkkulaði, át, rúm og sjónvarpið

Vá fór á djammið á föstudaginn, ég, Ingunn og Stína
Helvíti gaman, kíktum á Svanhildi í partý þar
Svo fór ég, Ingunn, Stína, Elva og Anna í bæinn
Vorum að missa okkur, sátum uppi því við komum svo snemma í bæinn að við náðum einu af stóru borðunum uppi
En gerðum mjög lítið af því að sitja
Jes sir
Dönsuðum og dönsuðum og dönsuðum uppi, allar í massa gír og létt klikkaðar
Já var helviti gaman, át svo næstum heila pítsu á pítsa king á leiðinni heim
Búin að vera étandi næstum síðan
í gær var það þynnkumatur, snakk, frostpinnar og fullt af ídýfu
og í dag er það búið að vera súkkulaði ofan á súkkulaði og aðeins meira súkkulaði
Ef ég næ að skafa mér upp úr rúminu þá ætla ég að reyna fara vinna á morgun, alla vega smá tíma

Seinna Lilja bolla

Ohhh hvað ég væri til í páskafrí!!!
Er reyndar í páskafríi, meira fríið það
Eyddi deginum í það að reyna þjálfa rottu
Jebbs sagði þjálfa rottu

Þurfum að kenna rottu nokkur verkefni með styrkingu, ég hélt að rottur væru svona ágætlega "gáfaðar" alla vega veit ég að ef maður er í drukknandi skipi þá á maður að elta rotturnar því þær vita hvert á að fara.  Líka í gamla daga þegar fólk vildi vita hvort e-ð væri eitrað, þá voru rottur fyrst látnar borða matinn, ef þær borðuðu þá var í lagi með matinn en ef ekki þá var hann skemmdur...
En nnnneeeiii alla vega gafst ég upp á Nonna nr1, sem sagt fyrstu rottunni minni sem ég reyndi að þjálfa, eftir næstum tvo tíma gafst ég upp þar sem Nonni nr1 hélt sig bara út í horni fitlandi við sjálfan sig, ekki búinn að læra neitt
Nonni nr2 var ekkert skárri, hrikalega dofin rotta sem gerði ekkert annað en að þefa af gólfinu alveg sama hvað ég styrkti hann oft að þefa uppá við ekki niðrá við....

Þá var ég sko orðin þokkalega pirruð og sem betur fer fyrir Nonna nr1 og nr2 voru bara eftirlíkingar í tölvu en ekki alvöru rottur fyrir framan mig því annars væri ég að skrifa minningargreinar um þá tvo AAaaRRrrGGgg

Eftir næstum 4 tíma og ENGU skilað þá prófaði ég kvenkynið, skýrði nýju rottuna mína Polly, hún elskan skilaði mér loksins einhverju, náði að skilgreina hana eftir aðeins klukkutíma en þá því miður var verkefnið ekki einu sinni hálfnað, heldur þurfti ég að kenna henni tvær nýjar hegðunir sem gengu ekki alltof vel, þannig að þessi fyrsti dagur páskafrísins míns var svona helvíti skemmtilegur, mikið reynt en eiginlega engu skilað

Fór svo í ræktina þar sem ég skilaði eiginlega engu heldur þar sökum brjálæðislegra harðsperra (skrifar maður það svona) í rasskinunum úff, hrikalega notar maður rassinn mikið án þess að fatta það
Kvöldið fór svo í bíó með systrunum á 27 dresses og FULLT af nammi, fannst ég eiga það skilið eftir þennan leiðinlega dag...

Morgundagurinn verður svo samviskubit yfir namminu sem sagt æfing, hollt mataræði OG reynt að klára þjálfa hana Polly, sem ég er búin að kalla alltof mörgum illum nöfnum í dag og verð að reyna vera betri við
Stefni á að klára þjálfa Polly, gera ritgerð og læra e-ð líka fyrir föstudagskvöldið því þá ætla ég og Ingunn að kíkja aðeins út í hvítvín en bara EF við erum búnar að vera duglegar, þannig að eins gott að fara snemma sofa

Góða nótt elskurnar
Love

Myndir síðan á laugardaginn

http://s244.photobucket.com/albums/gg22/liljajonsd/Vor%202008/

Geggjað fjör hjá okkur stelpunum á Palla takk fyrir mig stelpur

Pass fyrstu 6 í kennitölunni minni

Hvernig á maður að fara að því að „hösla“

Það virkar ekki þetta dæmi á djamminu nema once in a lifetime... og einhverra hluta vegna ALLS ekki fyrir mig þar sem ég er álitin svo hrikalega sjálfstæð Jebbs ég sagði sjálfstæð með bein í nefinu, ákveðin ofl. Hef heyrt það frá vinum mínum strákum að þeir myndu aldrei þora að reyna við mig á djamminu því ég væri alltof ákveðin og fullvíst að ég myndi bara hlæja upp í opið geðið á þeim... þannig að ef ég ætla ekki að fara bera á mér skilti þar sem stendur: „Ég skal ekki hlæja að þér ef þú reynir við mig“ þá eru ekki miklar líkur á að næla sér í einhvern á djamminu

Ekki gengur það með skólann þar sem maður húkir í tímum (þar sem enginn er efnilegur) og fer rétt svo út til að reykja og ef það kemur fyrir sem er virkilega sjaldgæft  à belive me orða það bara þannig:  sjaldséðir eru hvítir hrafnar að það sjáist sætur strákur á ferð, þá er maður ekki alveg á stað og stund til að fara meika ækontekt eða hvað þá meira og tala við hann

Vinnan hmmm been there done that neinei segi svona, er þar svona einu sinni í viku og hef ekki enn séð neinn þar sem er e-ð efnilegur, nema þá þeir séu fávitar þið vitið búnir með hálft fyrirtækið...

Hvað á maður að gera

Er ekki týpan til að skrá mig á einhverjar síður eins og einkamál, tja ekkert að því persei en not my kind of tee...

Þannig að helst að maður fari á Palla á laugardaginn með skilti og feikað bros til að vera ekki jafn ákveðin múhahahaha

Hvað segið þið??? any ideas...

Árshátíðin hjá Vodafone verður hvergi annarsstaðar en á Alicante í ár

Jebb allt ókeypis farið á föstudegi til mánudags tvær ferðir í boði og fer ég í seinni sem er 23-26 maí SWEET svona eftir prófin, liggja í sólbaði með góða bók og kokteil allan daginn mmmmmm
Líka ekki slæmt hótelið...












Þvílíkt fansí golfhótel, skítt með golfið en innihaldið virkar líka alveg fine

Þannig að það verður kannski allt í lagi að húka í próflestri til 15, vinna í viku og skella sér svo út

Lokuð eða bara bæld?

Hef verið að spá í því undanfarið hvort að það sem margir hafa sagt um mig að ég sé svo lokuð sé orðið svona rosalega satt og í raun búið að aukast með árunum eða....

Hvort ég sé kannski bara svona bæld

Ástæðan fyrir þessum vangaveltum eru nokkrar en þá kannski aðallega þær að ef ég kynnist einhverjum eins og í vinnu eða skóla þá í raun kynnist ég þeim ekkert.

Ef einhver reynir að spjalla og vilja jafnvel hittast e-ð auka en í skólanum, grípa kaffi eftir vinnu eða e-ð þá kem ég mér alltaf frá því...

Og auðvitað heldur manneskjan ekki áfram að reyna, ekki myndi ég sjálf gera það og telur líklegast að ég vilji bara ekkert með hana hafa

En í raun...

Væri ég alveg til í aukavini, ekki það að ég eigi ekki FRÁBÆRUSTU vinkonur í geimi en þær flestar eiga samt annan vinkonuhóp líka og belive me þegar maður er á lausu og flestar vinkonur manns eru í alvarlegum samböndum þá væri mjög fínt að eiga fleiri vini til að geta gert e-ð skemmtilegt.

Spurning hvað ég eigi að gera?

Svar: kannski bara hætta vera svona og reyna fara kynnast einhverjum

Það er samt það skrýtna, langar það en virðist ekki svo gera það þegar á hólminn er komið

Pabbi minn kemur heim á morgun
fyrir utan það að mig hlakkar til að fá hann heim heldur verður það helv.. næs uppá mataræðið mitt
Hvers vegna hefur pabbi gamli eða skortur á honum áhrif á mataræðið mitt
Jújú
Eftir að pabbi fór höfum ég og mamma verið aðeins of góðar við okkar
Nammi og þá aðallega súkkulaði, ís, mikið brauð og enginn matur hefur verið aðal fæðutegundin heima þessa daga sem pabbi hefur ekki verið heima....
I know...
Viðbjóður, finn það líka bara fyrir utan að maður er búin að fitna, heldur er ónæmiskerfið ekki uppá sitt besta, er mikllu þreyttari og húðin í fokki

Þannig að já hlakka til að fá gamla kallinn heim

Annars bara busy busy busy þessi vika og helgi, próf, æfingar og tilraunir
STÓRT heimapróf alla næstu helgi og próf og skil byrjun næstu viku

Þannig að segi bara Good luck 2 me